Тарихта тұңғыш рет: Қысқы Олимпиадада алғашқы тоғыз дүркін чемпион пайда болды
Норвегиялық шаңғышы Йоханнес Хёсфлот Клэбо Милан – Кортина-2026 Қысқы Олимпиадасында Норвегия құрамасының сапында эстафетада алтын алып, Қысқы ойындар тарихына жаңа рекорд жазды.
Клэбоның тарихи жетістігі қандай?
Эстафетадағы жеңістен кейін Клебо Қысқы Олимпиада ойындарының тарихындағы алғашқы тоғыз дүркін олимпиада чемпионы атанды. Бұл — бұрын-соңды ешбір қысқы олимпиада спортшысы қол жеткізбеген нәтиже.
Италиядағы Олимпиадада Клэбо бұған дейін-ақ бірнеше рет топ жарып үлгерген. Ол скиатлон, спринт, арақашықтыққа жеке старт жарыстарында чемпион атанып, кейін эстафетада тағы бір алтынды қоржынға салды.
9 алтын қайдан жиналды?
29 жастағы норвегиялықтың Олимпиададағы алтын медальдары үш Олимпиадаға бөлінеді:
- Пхёнчхан-2018 — 3 алтын
- Бейжің-2022 — 2 алтын
- Милан – Кортина-2026 — 4 алтын
Осылайша Клэбоның Олимпиададағы алтын медаль саны 9-ға жетті.
Милан – Кортина-2026 Қысқы Олимпиада ойындары 2026 жылғы 22 ақпанға дейін жалғасады.