УЕФА "Қайраттың" қатысуымен болатын Чемпиондар лигасының финалдық кезеңі қай жерде өтетінін жария етті.
УЕФА көптеген өтініштерді (соның ішінде Алматы болған) іріктей отырып, "Төртеудің финалын" өткізу құқын Францияның Ле Ман қаласына тапсырды.
Турнирдің шешуші кезеңіне Чемпиондар лигасының қазіргі иегері испанияның "Пальма", екі дүркін чемпиондары "Спортинг" (Португалия), "Қайрат" (Қазақстан) және Испанияның тағы бір өкілі "Картахена" шықты.
Бәрі де Чемпиондар лигасының элиталық кезеңінде өз топтарында жеңімпаз атанды. Төрт топтың мықтылары 1-4 мамыр аралығында "Төртеудің финалында" кездеседі.
