Нью-Йоркте шахматтан әлем чемпионатының блиц түрінен жарыстардың бірінші күні аяқталды. Оның қорытындысында үздік 16 шахматшы анықталды.
Бұл тізімде қазақстандық Бибісара Асаубаева да бар. Блицтен әлемнің екі дүркін чемпионы 1/4 финалға жолдама алды. Енді оған жартылай финалға өту үшін қытайлық Лэй Тинцзені жеңу қажет.
Асаубаева алдын ала кезеңде 11 партия өткізіп, соның жетеуінде жеңіс тойлады. Сонымен қатар екі кездесуде ұтылып, екеуін тең нәтижемен аяқтады.
Өкінішке қарай қалған шахматшыларымыз ТОП-16 тізімінен тыс қалды.
Ашық блицтің финалдық сегіздігінде әлем чемпионы атағы үшін екі дүркін үміткер — Ян Непомнящий, қазіргі чемпион Магнус Карлсен, АҚШ чемпионы — Фабиано Каруана, американың жетекші шахматшысы Уэсли Со, Алиреза Фируджа, Ханс Ниманн, Ян-Кшиштоф Дуда және рапидтен әлемнің жаңа чемпионы— Володар Мурзин бар.
