Ұлттық құрама Армения астанасы Ереванда өткен жаттығуынан ерекше бейнематериал ұсынды. Ұзақ ұшақ сапарынан кейін ойыншылар дайындыққа кірісті.
Қазақстан құрамасы 12 наурыз күні Армениямен маңызды кездесуге шығады. Ойын Астана уақытымен 20:00-де басталады.
Еуропа чемпионатына жолдама алу үшін тек жеңіс керек.
Футзалдан Еуро-2026 чемпионатына тікелей жолдама тек топ жеңімпазына беріледі. Бірақ екінші орын алған команда да финалдық кезеңге шығу мүмкіндігін сақтайды. Ол үшін қосымша плей-офф матчтарын ойнауы қажет.
Қазір Қазақстан құрамасы 10 ұпаймен екінші орында. Ал топ көшбасшысы Арменияның еншісінде 13 ұпай бар. Қалған екі команда – Албания мен Дания 3 ұпайдан жинап, жарысты жалғастыру мүмкіндігінен айырылып қалған.
Футзалдан Еуропа чемпионаты 2026 жылғы 18 қаңтар мен 8 ақпан аралығында Рига мен Каунас қалаларында өтеді.
