Мәнерлеп сырғанаудан Қазақстан чемпионатының бес дүркін жеңімпазы Алматыдағы спорттық инфрақұрылым мәселесін көтерді.
20 жастағы қазақстандық мәнерлеп сырғанаушы Михаил Шайдоров Tengrinews.kz-ке берген сұхбатында жаттығу барысындағы қиындықтармен бөлісті. Спортшының айтуынша, әсіресе Алматыда тұрақты әрі сапалы дайындық жүргізуге қолайлы жағдай жасалмаған.
“Бұл маусым тек спорт жағынан ғана емес, барлық жағынан қиын болды. Ұйымдастыру жұмыстары қатты ақсады. Виза рәсімдеу, мұз аренасын іздеу — осының бәріне өзім жүгірдім. Өкінішке қарай туған қалам — Алматыда мен әлі де кәсіби деңгейде жаттығуға лайықты жағдай таба алмай келемін. Маусым соңында қатты шаршағанымды сездім, сондықтан енді өзімді қалпына келтірумен айналысамын”, — деді Шайдоров.
Айта кетейік, Михаил Шайдоров жақында Бостонда өткен әлем чемпионатында күміс жүлде жеңіп алды. Сонымен қатар ол биыл:
Михаил 2020-2024 жылдар аралығында Қазақстан чемпионы атанып, 2022 жылғы жасөспірімдер арасындағы әлем чемпионатының күміс жүлдегері болды.
Михаилдің сөзіне қарағанда, еліміздің ең ірі қаласында мұндай деңгейдегі спортшыға лайықты инфрақұрылымның болмауы — үлкен мәселе. Спорттық мансабында жоғары нәтижеге қол жеткізіп жүрген жас талант үшін бұл жағдай үлкен кедергі. Ол болашақта ел ішінде емес, шетелде жаттығуға көшуі де мүмкін.
