Бибісара Асаубаева Жавохир Синдаровпен қалай танысқанын айтты
Қазақстандық шахматшы әлеуметтік желіде оқырмандарының сұрақтарына жауап беріп, өзбекстандық гроссмейстер Жавохир Синдаровпен таныстығы туралы қысқаша әңгімелеп берді.
Асаубаева мен Синдаров қашан танысқан?
Instagram желісіндегі сұрақ-жауап кезінде жанкүйерлердің бірі Бибісарадан Жавохир Синдаровпен танысу тарихын сұрады.
Оқырман:
“Жавохирмен қалай таныстың? Сіздердің тарихтарыңыз өте қызық”, – деп жазған.
Бибісара Асаубаева бұл сұраққа былай деп жауап берді:
“Біз бір-бірімізді 10–12 жастан бастап білеміз. Өйткені екеуміз де бір салада жүрміз. 2021 жылдан бері доспыз”.
Қарым-қатынас туралы әңгіме қашан тарады?
Бибісара Асаубаева мен Жавохир Синдаровтың қарым-қатынасы туралы әңгіме 2026 жылдың көктемінде жиі айтыла бастады. Бұған олардың Үміткерлер турнирінде бірге көрінуі себеп болды. Сол кезде қазақстандық шахматшы Синдаровты ашық түрде “менің чемпионым” деп атаған еді.
Ал маусым айында бұл әңгіме одан әрі қыза түсті. Асаубаева әлеуметтік желіде Парижге жасаған бірлескен сапарынан романтикалық видео жариялап, оған “Қайта-қайта ғашық болу” деген жазба қалдырды. Кадрда Жавохир Синдаровтың Бибісараның маңдайынан сүйген сәті көрсетілген.
Жавохир Синдаровтың отбасы да жастардың қарым-қатынасына оң көзқарас танытқан. Атап айтқанда, оның атасы, Өзбекстан шахмат федерациясы төрағасының орынбасары Комил Синдаров екі жастың таңдауына қолдау көрсетіп, батасын бергені айтылды.