Қазақстандық теннис жұлдызы Елена Рыбакина (WTA рейтингінде 9-орын) Қытайдың Ухань қаласында өтіп жатқан беделді WTA 1000 сериялы турнирін сенімді жеңіспен бастады.
Қазақстандық теннисші алғашқы айналымда ойын көрсетпей, турнирді екінші кезеңнен бастады. Осы матчта Рыбакина румын қарсыласы Жаклин Кристианды 6:4, 6:3 есебімен жеңіп, 1/8 финалға жолдама алды.
Рыбакина келесі айналымда чехиялық Линда Носковамен ракетка түйістіреді.
2025 жылғы Ухань турнирінің жалпы жүлде қоры — 3 654 963 долларға тең.
Турнир жеңімпазы 596 000 доллар сыйақы алып, 1000 рейтингтік ұпай еншілейді.
Айта кетейік, бұл жарыстың былтырғы жеңімпазы – әлемнің бірінші ракеткасы, беларусь теннисшісі Арина Соболенко.
