2025 маусымында Александр Бублик 2 905 991 доллар табыс тапты — бұл оның мансабындағы ең жоғары қаржылық көрсеткіш.
Қазақстанның бірінші ракеткасы Александр Бублик 2025 жылғы маусымды мансабындағы ең табысты жыл ретінде жапты. Ол ATP турнирлерінде 2,9 миллион доллар (шамамен 1,5 млрд теңге) сыйақы ұтып, әлемдік рейтингте 11-орынға көтерілді.
Мансабында тапқан жалпы табысы бүгінде 10 646 354 долларды (5,5 млрд теңге) құрайды. Бұл — Бубликтің әлемдік теннистегі тұрақтылығын және үздік ондыққа жақындаған кәсіби деңгейін дәлелдейді.
2025 жылы Бублик төрт ATP турнирінде жеңіске жетіп, маусымды тамаша формада аяқтады. Осы нәтижелердің арқасында ол ATP рейтингісінде 11-орынға көтерілді — бұл оның карьерасындағы ең жоғары көрсеткіш.
Кәсіпқой теннисші агрессивті ойын мәнерімен, тамаша подачасымен және эмоциялық стилімен жанкүйерлердің сүйіктісіне айналған.
Александр Бублик 2016 жылдың қарашасында Қазақстан азаматтығын алып, сол кезден бері ел намысын қорғап келеді.
