Елена Рыбакина "Уимблдонның" үшінші айналымына сенімді түрде шықты
Қазақстанның бірінші ракеткасы Лондондағы "Уимблдон-2026" турниріндегі сәтті өнерін жалғастырды.
Қарсыласына мүмкіндік қалдырмады
Рыбакина екінші раундта әлемдік рейтингте 50-орында тұрған америкалық Кэти Макналлимен кездесті. Қазақстандық теннисші матч бойы ойын тізгінін өз қолында ұстап, қарсыласына айтарлықтай қарсылық көрсетуге мүмкіндік берген жоқ.
Кездесу 1 сағат 11 минутқа созылып, Рыбакинаның 6:1, 6:2 есебіндегі жеңісімен аяқталды.
Өзара кездесулердегі есеп тең болған
Бұл матчқа дейін Рыбакина мен Макналли кортта екі рет кездескен. Бұған дейінгі ойындарда теннисшілер бір-бір жеңістен бөлісті. Елена Рыбакина үшінші айналымда бельгиялық Элизе Мертенспен кездеседі.
Биылғы "Уимблдон" турнирі 11 шілдеге дейін жалғасады. Жарыстың қазіргі чемпионы - польшалық Ига Швёнтек. Ол былтырғы финалда америкалық Аманда Анисимованы 6:0, 6:0 есебімен ойсырата жеңген.