Өзбекстандық Олимпиада чемпионы қарсыласын нокдауннан кейін нокаутқа түсірді (ВИДЕО)
Сауд Арабиясының Эр-Рияд қаласында өткен WBC Гран-при турнирінде Өзбекстанның Олимпиада чемпионы Лазизбек Муллажонов ауыр салмақта кезекті жеңісіне жетті.
instagram/@lazizbekmullojonov
Лазизбек Муллажонов (6-0, 6 KO) 1/8 финал кезеңінде панамалық боксшы Марвин Мендосамен (6-2-1, 1 KO) қолғап түйістірді. Алты раундқа жоспарланған жекпе-жек уақытынан бұрын аяқталды.
Муллажонов 2-раундта қарсыласын нокдаунға түсірді. Ал 3-раундта төреші жекпе-жекті тоқтатып, техникалық нокаутпен өзбек боксшысының жеңісін тіркеді.
Бұл жеңіспен Лазизбек Муллажонов өзінің жеңіліссіз сериясын 6 жекпе-жекке жеткізді. Оған қоса барлық жеңісі нокаутпен аяқталған. Ал Марвин Мендоса үшін бұл екінші кәсіби жеңіліс болды.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet