Англиялық суперауыр салмақтағы Лео Атанг кәсіби рингтегі алғашқы айқасын жарқын нокаутпен аяқтады. Жанкүйерлер оны бүгінде "жаңа Энтони Джошуа" деп атап жүр.
Атанг Ұлыбританияның Манчестер қаласында өткен бокс кешінде рингке шығып, Болгариядан келген 41 жастағы тәжірибелі боксшы — Милен Пауновпен (7-15, 5 КО) қолғап түйістірді.
Кездесу төрт раундқа жоспарланған еді, алайда алғашқы раундта-ақ тоқтатылды. Британиялық боксшы техникалық нокаутпен жеңіске жетті. Жекпе-жек барысында Паунов нокдаунға түсті, ал төреші жекпе-жекті тоқтатуға шешім қабылдады.
Бұл жойқын сәттің видеосы әлеуметтік желілерде тарап үлгерді.
Осылайша Лео Атанг кәсіби мансабын жарқын жеңіспен бастады, ал Милен Паунов профи деңгейіндегі 16-шы жеңілісін тіркеді. Болгариялық боксшының мансабы құлдырау үстінде екені байқалады.
