Астанадағы World Boxing Cup турнирінің финалында Виктория Графеева бразилиялық қарсыласын нокдаунға жіберіп, төрешілер шешімімен алтын медаль жеңіп алды.
Қазақстандық боксшы Виктория Графеева 60 келіге дейінгі салмақта Бразилия өкілі Ребека де Лима Сантоспен жұдырықтасты.
Жекпе-жек оңай болмады. Алғашқы раундтарда қарсыласы белсенділік танытқанымен үшінші раундта Графеева бразилиялық боксшыны нокдаунға жіберіп, жекпе-жектің бағытын түбегейлі өзгертті.
Бөлінген шешіммен жеңіске жеткен отандасымыз осылайша Қазақстан құрамасына төртінші алтын медаль сыйлады.
Финалға дейін Графеева келесі қарсыластарын жеңді:
Бұл жекпе-жектерде де Виктория техникалық шеберлігі мен мықты тактикасын дәлелдеді.
Виктория Графеева — 2025 жылғы әлем чемпионатының күміс жүлдегері. Ол халықаралық аренада өз атын мойындатып үлгерген боксшы.
