Доха қаласында өткен UFC Fight Night 265 турнирінде жартылай орта салмақта сайысқа түскен америкалық Белал Мухаммад (24-4) пен ирландиялық Иэн Гэрри (16-1) арасындағы кездесу үлкен дауға себеп болды.
Үш раундқа жоспарланған жекпе-жекте файтерлер жоғары қарқын көрсеткенімен айқастың ішінде даулы сәттер жиі байқалды. Иэн Гэрри қарсыласының көзіне екі рет саусақ салғанына қарамастан рефери одан бірде-бір ұпай шегерген жоқ.
Осы жағдай MMA жанкүйерлері арасында қызу талқыланып, төрешілікке қатысты наразылықтар тудырды.
Жекпе-жек қорытындысында Гэрри бір ауыздан жеңіске жетті, ал Белал Мухаммад мансабындағы бесінші жеңілісін тіркеді. Ирландиялық спортшы осылайша кәсіби мансабындағы 17-ші жеңісін тойлады.
Бұл салмақта Қазақстан мақтанышы Шавкат Рахмонов (19-0) да өнер көрсетеді. Еске сала кетейік, Гэрридің кәсіби мансабындағы жалғыз жеңілісі дәл Рахмоновқа қарсы былтыр желтоқсандағы айқаста тіркелген.
