UFC жауынгерлері — Армения тумасы Арман Царукян мен дағыстандық Шарабутдин «Шара Буллет» Магомедов — Ереванда өткен Hype Fighting турнирінде грэпплинг ережесі бойынша белдесті.
Әлемдегі ең танымал ММА-промоушеннің екі өкілінің арасындағы бұл күрес Hype FC турнирінің басты оқиғасына айналды. Сарапшылардың болжамына қарамастан, Царукян мен Магомедов арасындағы қарсыласу тең нәтижемен аяқталды. «Шара Буллет» UFC-дің жеңіл салмақтағы рейтингінде бірінші орында тұрған Царукянның күрестегі қысымына күтпеген жерден төтеп беріп, белдесуді тең аяқтауға қол жеткізді.
Царукян соңғы рет 18 желтоқсанда Мәскеуде өткен ACBJJ турнирінде өнер көрсетіп, бразилиялық джиу-джитсу ережесі бойынша өткен белдесуде чеченстандық Мехди Байдулаевты арқадан қылқындыру әдісімен жеңіп, арнайы «All Stars» белбеуін иеленген болатын.
Магомедов болса соңғы жекпе-жегін 2025 жылғы 26 шілдеде Абу-Дабиде өткен UFC on ABC 9 турнирінде өткізді. Онда жартылай орта салмақ өкілі канадалық Марк-Андрэ Баррионы төрешілердің бірауыздан шығарған шешімімен жеңді.
