Әліби Ыдырыс UFC-дегі допинг дауы бойынша ресми түрде ақталды
Қазақстандық UFC жауынгері жанкүйерлерімен жағымды жаңалығын бөлісті.
Допинг-сынамасы теріс нәтиже көрсетті
UFC-дің The Ultimate Fighter реалити-шоуына қатысқан алғашқы қазақстандық Instagram сторисінде қайта алынған допинг-сынаманың қорытындысын жариялады. Құжатқа сәйкес, бастапқы шешім расталмаған, ал оның талдауы тыйым салынған заттарға теріс нәтиже көрсеткен.
Жауынгер жазбасына:
"Мен тазамын, жігіттер", — деп қысқа пікір қалдырды.
Осылайша Әліби Ыдырыс өзіне тағылған допингке қатысты күдіктен ресми түрде құтылды.
UFC бір жылға шеттеткен
Еске салсақ, 2026 жылғы 1 сәуірде UFC-дің ресми сайтында қазақстандық файтердің допингке байланысты бір жылға дисквалификацияланғаны туралы баспасөз хабарламасы жарияланды. Сол мәлімдемеде Ыдырыстың сынамасынан тыйым салынған диуретик-гидрохлоротиазид табылғаны айтылған. Допинг-сынама 2026 жылғы 21 ақпанда Хьюстонда өткен UFC Fight Night турнирі кезінде алынған.
Сол кеште қазақстандық файтер ямайкалық Оди Осборнды жеңіп, UFC-дегі алғашқы жеңісіне жеткен.
Жекпе-жек нәтижесі де өзгертіледі
Дисквалификацияға байланысты Әліби Ыдырыс пен Оди Осборн арасындағы жекпе-жектің нәтижесі де қайта қаралды. Техас штатының спорт комиссиясы бұл кездесуді өтпеді деп танылған жекпе-жек — No Contest (NC) мәртебесіне ауыстырған.
Бұл жеңіс Ыдырыс үшін UFC-дегі дебюттік жеңілістен кейінгі алғашқы табыс саналған еді. Ол бұған дейін 2025 жылдың тамызында алғашқы жекпе-жегінде жеңіліп қалған.