Қазақ қызы әлем чемпионатында канадалық боксшыны тізе бүктірді
Бокстан Черногорияның Будва қаласында жасөспірімдер арасындағы 2026 жылғы әлем чемпионатында Қазақстан құрамасы кезекті жеңісін тіркеді.
Айсұлу Мұхит канадалық боксшыны жеңді
65 келіге дейінгі салмақ дәрежесінде өнер көрсететін Айсұлу Мұхит әлем біріншілігін сәтті бастады.
Отандасымыз 1/16 финал кезеңінде канадалық Мариан Тессьемен қолғап түйістірді. Тартысты өткен кездесудің қорытындысында төрешілер бірауыздан жеңісті қазақстандыққа берді.
Сөйтіп Айсұлу Мұхит 1/8 финалға жолдама алып, әлем чемпионатындағы өнерін жалғастыратын болды.
Қазақстан қоржынында екі жеңіс бар
Айсұлу Мұхиттың жетістігі Қазақстан құрамасы үшін Будвадағы әлем чемпионатында тіркелген екінші жеңіс болды.
Бұған дейін 90 келіден жоғары салмақ дәрежесінде сынға түскен Владислав Саможонов алғашқы кездесуінде қарсыласын нокаутпен жеңіп, келесі айналымға өткен еді.
Осылайша қазақстандық екі боксшы да әлемдік додадағы алғашқы сыннан сүрінбей өтіп, медаль жолындағы күресін жалғастыруда.