Мерей Базарбаев әлем чемпионын жеңіп, тарихи жетістікке жақындады
Қазақстандық еркін күрес шебері Лас-Вегаста 23 жасқа дейінгі балуандар арасындағы әлем чемпионатының финалына жолдама алды.
Әлем чемпионын жарыс жолынан шығарды
Қазақстандық балуан әлем біріншілігін сенімді бастап, алғашқы белдесулерінде жоғары деңгейдегі дайындығын көрсетті.
Базарбаев 1/8 финалда әлемнің қазіргі чемпионы, америкалық Люк Лилледальмен кездесті. Тартысты өткен белдесуде 3:1 есебімен жеңіске жетіп, жарыстың басты сенсацияларының бірін жасады.
Ширек финалда франциялық Расул Галбураевтан басым түсті. Қазақстандық балуан қарсыласын 13:2 есебімен мерзімінен бұрын жеңіп, жартылай финалға шықты.
Финалда кіммен кездеседі?
Мерей жартылай финалда жапониялық Дайто Кацумэмен күш сынасты. Отандасымыз қарсыласына еш мүмкіндік бермей, 5:0 есебімен жеңіске жетті.
Осылайша, қазақстандық балуан U23 әлем чемпионатының финалына шығып, кем дегенде күміс медаль иегері атанады.
Базарбаев алтын жүлде үшін шешуші белдесуде түркиялық Бекир Кесермен кездеседі. Финалдық белдесулер Лас-Вегаста жергілікті уақыт бойынша кешкі уақытта өтеді.
Айта кетейік, бұл – Мерей Базарбаевтың әлемдік додадағы алғашқы финалы емес. Ол 2022 жылы 20 жасқа дейінгі балуандар арасындағы әлем чемпионатында күміс жүлдегер атанған.
Қазақстан U21