Қазақстандық боксшы ӘЧ-да қарсыласын 5:0 есебімен талқандады
Руслан Ахметов Будва қаласында 19 жасқа дейінгі боксшылар арасындағы әлем чемпионатын сәтті бастады.
Болгариялық боксшыны 5:0 есебімен жеңді
World Boxing ұйымының ұйымдастыруымен өтіп жатқан жастар арасындағы әлем біріншілігінде Қазақстан құрамасының тағы бір өкілі жеңіске жетті.
85 келіге дейінгі салмақ дәрежесінде ел намысын қорғап жүрген Руслан Ахметов 1/16 финалда болгариялық Николай Ивановпен қолғап түйістірді.
Қазақстандық боксшы алғашқы раундтан бастап жекпе-жек тізгінін өз қолына алды. Қарсыласына қарқынды шабуыл жасап, денесіне дәл соққылар бағыттады.
Үш раунд бойы басымдығын сақтаған Ахметов төрешілердің бірауыздан шығарған шешімімен жеңіске жетті.
1/8 финалға жолдама алды
Осы нәтижеден кейін Руслан Ахметов әлем чемпионатының 1/8 финалына өтті.
Айта кетейік, World Boxing ұйымының қолдауымен ұйымдастырылған 19 жасқа дейінгі боксшылар арасындағы әлем чемпионаты Черногорияның Будва қаласында 27 қазанға дейін жалғасады.
Халықаралық додаға 70-ке жуық елден шамамен 500 боксшы қатысып, әлем чемпионатының жүлделері үшін таласып жатыр.
Қазақстан U19