Қазақстандық боксшы Жәнібек Әлімханұлы әлеуметтік желіде осындай жазба жариялады
«Маған ақша маңызды емес! Атақ маңызды! Чемпион чемпионмен кездесуі керек»! Қазақстандық боксшы Жәнібек Әлімханұлы әлеуметтік желіге осындай жазба жариялап, WBC нұсқасы бойынша әлем чемпионы доминикандық Карлос Адаместі жекпе-жекке шақырды.
«Менің Аустралиядағы кездесуден кейін қанша сыйақы алатынымды бәрі біледі. Бірақ, маған ақша маңызды емес! Карлос, мен 4-ші қазан күні Сиднейде жұдырықтасамын. Кейін сенен келісімшарт күтемін. Қаңтар немесе ақпанда айқас ұйымдастырайық» - деді Жәнібек.
Айта кетейік, орта салмақ дәрежесінде өнер көрсететін Жәнібек Әлімханұлы WBO және IBF нұсқалары бойынша әлем чемпионы. Ол 4-ші қазан күні жаңазеландиялық Андрей Михайловичпен жұдырықтасады. Кездесу Сидней қаласында өтеді.
