Жартылай орта салмақта UFC чемпионы Белал Мұхаммед (24-3) қазақстандық аралас жекпе-жек шебері Шавкат Рахмонов (18-0) үшін мүлдем басқа деңгейдегі қарсылас болатынына сенімді.
7 желтоқсанда АҚШ-тың Лас-Вегас қаласында UFC 310 турнирі аясында Белал мен Шавкат арасында жекпе-жек өтеді. Америкалық файтер осыған байланысты өз ойымен бөлісті.
«Ол психологиялық тұрғыдан мықты. Егер жекпе-жек күреске ойысса, ол жігіттердің көбін өзінің табандылығы мен жеңіске деген ерік-жігерінің арқасында жеңіп шығады. Енді ол ерік-жігері әлдеқайда мықтырақ адаммен жұдырықтасқалы жатыр. Бәрі оның қалай әрекет ететініне байланысты болады. Менің ойымша, бұған дейін ол UFC-де мұндай сынақтарға тап болған жоқ. Бұған дейін Шавкат әрқашан алда болса, енді артта қалады. Соңғы раундтарға дейін шыдауына тура келеді. Бәрі қиындай түскенде ауа жетпей, шаршай бастайсың. Ойлағаның іске аспайды. Сол кезде не істейсің?
Шавкат шаршамайды дейді. Бірақ ол әлі де менімен жұдырықтасқан жоқ. Кім болса да, маған қарсы шыққан адам жекпе-жекте шаршайды. Мен мүлдем басқа файтермін», - деді Мұхаммед MMA junkie-ге берген сұхбатында.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
