Қазақстандық UFC жауынгері Шавкат Рахмонов грузиялық файтер Илия Топурияның өзіне қарсы жекпе-жек өткізуге дайын екендігі туралы интернетте тараған мәлімдемеге жауап берді, деп хабарлайды Penalty.kz.
Бұрын интернетте UFC чемпионы Илия Топурияның Шавкат Рахмоновқа қарсы жекпе-жекке дайын екенін және қазақ файтерін оңай жеңетінін айтқаны туралы ақпарат тараған болатын. Шавкат бұл ұсынысқа әлеуметтік желіде әзілмен жауап беріп, грузин файтерін қалжыңмен қабылдады.
"Ержан, тұр. Топурия менімен төбелескісі келетінін естідім. Мен онымен бір қолыммен-ақ төбелесе беремін", – деп жазды Шавкат өзінің Instagram парақшасында.
Айта кету керек, әлеуметтік желілерде тараған Топурияның Шавкатқа қатысты мәлімдемесі шындыққа сәйкес келмейді. Рахмонов бұл ақпаратқа әзіл ретінде жарияланған Main Card паблигінің жазбасына жауап берген көрінеді.
Бұл туралы грузиялық журналист Георгий Кокиашвили де растады.
"Шын мәнінде, Илия ешқашан Шавкатпен жекпе-жек өткізгісі келетіні туралы айтқан жоқ. Ол тек тікелей эфирде Шавкаттың Белал Мұхаммадты жеңетініне сенім білдірді. Шамасы, кейбір адамдар жалған ақпарат таратып, жағдайды ушықтырғысы келген сияқты", – деді ол.
Еске салайық, биыл желтоқсан айында Шавкат Рахмонов UFC чемпионы атағы үшін америкалық Белал Мұхаммадпен жекпе-жек өткізуі тиіс болатын. Алайда, Белал Мұхаммад жарақат алып, бұл кездесу кейінге қалдырылды.
Жекпе-жек әлеміндегі соңғы жаңалықтарды Penalty.kz сайтынан біліңіз және сүйікті спортшыларыңыздың жетістіктерінен хабардар болыңыз.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
