Елордада өтіп жатқан байрақты бәсекеге 85 елдің спортшысы қатысуда.
Астанада ересектер арасында спорттық және жауынгерлік самбодан әлем чемпионаты басталды. Байрақты бәсеке Жақсылық Үшкемпіров атындағы жекпе-жек сарайында өтеді.
Жарыстың алғашқы күні Қазақстан қоржынына алғашқы алтын медаль түсті. Спорттық самбодан аса ауыр салмақтағы Темірлан Көлбай (+98 кг) финалда моңғолиялық спортшы Пуревдорж Дамдинчуренді жеңді.
Сонымен қатар, Қазақстан құрамасының спортшылары 4 қола жүлдеге ие болды:
Спорттық самбо: Армат Қабдолов (58 кг), Арайлым Әбенова (+80 кг)
Жауынгерлік самбо: Құралай Кабрайқызы (54 кг), Маратбек Рахметоллин (64 кг).
Елімізде осымен екінші рет ұйымдастырылып отырған байрақты бәскеге 85 елден 700-ге жуық спортшы келді. Ал Қазақстан атынан 28 балуан қатысуда.
Биылғы чемпионаттың ерекшелігі – алғаш рет әйелдер арасында жауынгерлік самбо мен зағип жандар арасында жарыстардың енгізілуі.
10 қарашаға дейін жалғасатын чемпионатта барлығы 31 медаль жиынтығы сарапқа салынады.
Естеріңізге сала кетейік, 2005 жылы Астанада өткен алғашқы әлем чемпионатында қазақстандықтар 1 алтын, 3 күміс және 6 қола медаль еншілеген болатын.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
