"Жылына 20 кітап оқиды": Спорт менеджері Бекзат Нұрдәулетовтің белгісіз қырын айтты

Қазақстандық спорт менеджері Жанпейіс Назарғалида Sportbugin.kz сайтына шағын сұхбат берді. Ол​​​​ Бекзаттың мінезі тұйық әрі жақындарының арасында кітапқұмарлығымен танымал екенін айтып қалды.  

“Токио Олимпиадасындағы сәтсіздіктен кейін Бекзат кәсіби бокста бақ сынады. Әуесқой боксқа қайта оралуына ұлттық құраманың шақыртуы себеп болды. Себебі, 80 келі салмақта Нұрбекке жақсы  бәсекелес жоқ еді елде.

Екеуі Қазақстан спартакиадасының финалында кездесті. 3:2 есебімен  Нұрбек жеңді. Бұл жерде есеп негізінен тең еді, жеңісті кез келгеніне беруге болатын.

Маман сондай-ақ, Бекзаттың құрамаға қайта келгенде, жанкүйерлердің оның уақыты өтті дегендей пікіріне де тоқталып, Бекзаттың небәрі 26 жаста екенін, әлем чемпионатын 19 жасында ұтқанын еске салды. 

Қазір Нұрдәулетов 86 келіде бақ сынап, Азия чемпионы атанды. Жақында үйленді. Көпшілік алдында шыға бермейді, мінезі тұйық. Есесіне кітапты жақсы оқиды. Жылына 20 кітапқа дейін оқиды”, — деді Жанпейіс Назарғали.

Айта кетелік, 2019 жылғы әлем чемпионатының финалында Бекзат Нұрдәулетов кубалық Хулио Сезар Ла Крузды жеңген болатын.