Қазақстандықтар Асу Алмабаевтың айқасын қайдан көре алады?

2 наурыз, жексенбі күні таңертең қазақстандық аралас жекпе-жек шебері Асу Алмабаев (21-2) UFC Fight Night 253 турнирінде октагонға шығады. Жекпе-жек Лас-Вегаста өтеді.  

Қарсылас кім?

Асу Алмабаевтың қарсыласы – UFC рейтингінде алтыншы орында тұрған Ангола өкілі Манел Капе (20-7). Бұл айқас аса жеңіл салмақ дәрежесінде өтеді. Айқас бес раундқа жоспарланған.

Қайдан көруге болады?

Алмабаев – Капе айқасын UFC-дің ресми сайтынан тамашалауға болады. Қазақстан уақытымен шамамен 06:20-да басталады.

Алмабаев пен Капенің соңғы нәтижелері

• Асу Алмабаев қазір UFC рейтингінде 8-орында тұр. Соңғы жекпе-жегін өткен жылдың қазан айында өткізді. Сол кезде бразилиялық Матеус Николаны (19-5-1) төрешілер шешімімен жеңген.
• Манел Капе желтоқсан айында бразилиялық Бруно Силваны (14-6-2) үшінші раундта нокаутпен жеңді.