Алайда бұл айқас ММА емес, каратэ ережелері бойынша өтеді.
2 мамырда Karate Combat 54 турнирінде бұрынғы UFC жұлдызы Мұхаммед Мокаев қазақстандық файтер Болат Заманбековке қарсы жекпе-жекке шығады. Бірақ бұл кездесу ММА ережелері бойынша өтпейді.
Болат Заманбеков – Naiza және Alash Pride промоушендерінде танылған спортшы. Ол соңғы үш жекпе-жегінің екеуінде жеңіліп қалған, атап айтқанда, Азияның ең мықты лигасы – ONE Championship аясында.
Енді Заманбеков әлемдік деңгейдегі платформа – Karate Combat-та бағын сынамақ. Бұл лига толықконтактты каратэ ережесімен жекпе-жектер өткізетін заманауи спорт алаңы. Бәсекелестік 61 келі салмақта өтеді, дегенмен ММА-де қос спортшы да 57 келіде өнер көрсеткен.
Айта кетейік, бұл жекпе-жек ресми ММА статистикасына енгізілмейді.
Karate Combat – бастауын 2018 жылы Дубайда алған, ал Венгрияда алғашқы турнир ұйымдастырылды. Бұл лигада бұрынғы UFC чемпиондары Энтони Петтис, Бенсон Хендерсон, Алджамейн Стерлинг пен Люк Рокхолд өнер көрсеткен.
Қазақстаннан шыққан алғашқы файтер – бұрынғы UFC спортшысы Мария Агапова. Ол 2024 жылдың мамырында 17 жастағы америкалық Хелена Креварға 30 секунд ішінде жеңіліп қалған болатын. Хелена бүгінде бразилиялық джиу-джитсуда жұлдызы жанып келе жатқан жас спортшы.
