Қазақстан Ішкі істер министрлігі алдыңғы терезелерді қараңғытуға рұқсат беруді қолдамайтынын ашық мәлімдеді. Министрлік өкілдері тонировка жол қауіпсіздігіне тікелей әсер етеді деп есептейді.
ІІМ мәліметінше, қазіргі уақытта жолдағы заңбұзушылықтарды анықтайтын жаңа камералар тестілеуден өтіп жатыр. Бұл құрылғылар:
Ал алдыңғы терезелердегі қараңғы пленкалар мұндай бұзушылықтарды тіркеуге үлкен кедергі келтіреді.
Министрлік өкілдері қылмыстық істерді тергеу кезінде де тонировка кедергі болатынын атап өтті.
“Көліктер қылмыс құралына айналатын жағдайлар көп. Тонировка күдіктілерді тануға және бейнебақылау арқылы анықтауға бөгет болады”, – дейді ІІМ өкілдері.
Егер депутаттар ұсынысындай 70-80% жарық өткізетін пленкаларға рұқсат берілсе, оны қадағалау үшін патрульдік полицияға тауметр атты арнайы құрылғылар сатып алу керек болады. Бұл – бюджеттен қосымша қаржы бөлуді талап етеді.
ІІМ ескертуінше, егер шектеу алынатын болса, көлік иелері жаппай терезелерін қараңғылап, нормадан асырып жіберуі мүмкін. Ал оны бақылау іс жүзінде мүмкін болмай қалады.
Бұған дейін Әкімшілік полиция комитеті де тонировкаға үзілді-кесілді қарсы екенін мәлімдеген.
“Алдыңғы терезелерге жабысқан қараңғы пленка жүргізушінің көріну қабілетін нашарлатады. Әсіресе, түнде бұл апат қаупін арттырады”, – дейді полицейлер.
