Америкалық «Кадиллак» командасы келесі маусымнан бастап «Формула-1»-де бақ сынайды. Жаңа жобаның пилоттық құрамы да анықтала бастады.
RacingNews365 дерегінше, мексикалық жүргізуші Серхио Перес ресми түрде «Кадиллакпен» келісімшартқа қол қойды. Сондай-ақ, бұған дейін дәл осындай ақпарат фин спортшысы Валттери Боттасқа қатысты да жарияланған еді.
Бұл келісімдер «Кадиллактың» дебюттік маусымында тәжірибелі қос жүргізушімен жарысқа шығатынын көрсетеді.
Болжам бойынша, Перес пен Боттастың жаңа командаға ауысуы туралы ресми хабар Гран-при Нидерланд алдындағы аптада жасалады.
