19 жастағы жігітке 7 млн теңге айыппұл салынды

Алматыда 19 жастағы жүргізушіге 7 миллион теңге мөлшерінде айыппұл салынды.

Ол жалған нөмірді пайдаланып, жол қозғалысы ережелерін 195 рет бұзған. Көліктің жылдамдығын 200 шақырымға дейін асырған. 

ІІМ ақпаратынша, жас жігітті полицейлер қаланың Медеу ауданындағы Достық даңғылы бойында ұстады. 

Анықталғандай, темір тұлпардың өзі көрші Қырғызстанда тіркелген. Сот қаулысымен 19 жастағы жігіт әкімшілік қамаққа алынды, оның көлігі мамандандырылған айыппұл тұрағына қойылды.