Қазақстандықтарға 2024 жылғы көлік салығын төлеу мерзімінің аяқталуына аз уақыт қалғаны ескертілді. Алматы қаласы Мемлекеттік кірістер департаментінің мәліметінше, салықты өтеу үшін небәрі 7 жұмыс күні қалды.
Мемлекеттік кірістер органдары көлік салығын уақытында төлеуді ұсынады. Себебі 1 сәуірден бастап әрбір кешіктірілген күн үшін өсімпұл есептеле бастайды.
Көлік салығының сомасын e-Salyq Azamat мобильді қосымшасы немесе Мемлекеттік кірістер комитетінің ресми сайты арқылы есептеуге болады. 15 наурыздан бастап автокөлік иелеріне салық сомасы көрсетілген push-хабарламалар жіберілуде. Төлемді банк қосымшалары немесе "Қазпошта" арқылы жасауға болады.
Алматы қаласы Мемлекеттік кірістер департаментінің деректеріне сәйкес, 2024 жылдың соңында қалада 764 мың көлік құралы тіркелген, бұл 456 мың адамға тиесілі. Былтырғымен салыстырғанда көлік саны 7 пайызға артқан. Осыған байланысты көлік салығының жалпы көлемі 19,6 миллиард теңгеден 21,9 миллиард теңгеге дейін өсті.
Егер салық белгіленген мерзімде төленбесе, салық органдары қарызды өндіру рәсімін бастайды. Бұл процесс бірнеше кезеңнен тұрады:
Сот орындаушылары борышкердің мүлкін және банк шоттарын бұғаттап, шетелге шығуға тыйым салуы мүмкін. Сондай-ақ банк қызметтерін пайдалану шектелуі мүмкін:
Көлік салығына қатысты сұрақтар туындаған жағдайда, азаматтар тұрғылықты жері бойынша Мемлекеттік кірістер басқармасына жүгінуіне болады.
