Ay Yola башқұрт этно-рок тобы, әлемге танылған Homay әнінен кейін тыңдармандарына жаңа туындыны ұсынды. "Ural Batyr" музыкалық альбомына енген Tugan Tel атты композиция барлық музыкалық платформаларда жарық көрді.
Жаңа тректің мазмұны туған тілдің маңызын, халықтың тарихы мен мәдениетін бейнелейді. Топ мүшелері әннің премьерасы туралы өздерінің Instagram парақшасында бөлісті:
“Премьера! Tugan Tel – барлық музыкалық платформаларда қолжетімді,” – деп жазды олар.
Олар туған тілдің тек сөздер жиынтығы емес, халықтың жаны, рухы мен өткені екенін атап өтті:
“Tugan Tel (туған тіл) — бұл жай сөздер емес. Бұл — халықтың жаны, оның тарихы мен мәдениеті.”
Жаңа ән "Ural Batyr" атты альбомның бір бөлігі болып табылады. Бұл альбом өз атауын башқұрт халқының әйгілі эпосынан алған. Эпоста батырлық, даналық және жақсылық пен жамандықтың мәңгілік күресі суреттеледі.
