Белгілі ақын әрі медиа тұлға Мұхамеджан Тазабек жуырда Нұрсейіт Жылқышыбай жүргізетін "Уақыт көрсетеді" бағдарламасында қонақ болып, өмірі мен туыстық байланыстары жайлы ашық сұхбат берді.
Ол сұхбат барысында Олимпиада жүлдегері Елдос Сметовпен арадағы туыстық жайлы айтты. Жақында қызын ұзатқан Мұхамеджан Тазабек:
"Елдос – менің күйеу балам. Ол туған қарындасымның қызына үйленген", – деп ағынан жарылды.
Бұл мәлімдеме әлеуметтік желіде қызығушылық тудырып, жұртшылық назарын аударды.
Сонымен қатар Тазабек айтыскер ақын әрі қоғам қайраткері Бекболат Тілеуханмен де туыстық қарым-қатынаста екенін жасырмады. Белгілі болғандай, Бекболат Тілеуханның әпкесінің қызы Мұхамеджан Тазабектің отбасына келін болып түскен.
