Алау Нұртас әлеуметтік желіде өзіне айтылатын теріс пікірлерге байланысты пікір білдіріп, халыққа ашық үндеу жолдады.
Алау өзінің Instagram парақшасында кейбір оқырмандар тарапынан жиі сынға ұшырайтынын жасырмады. Ол өз жазбасында былай деді:
“Неге бұлай? Шетелдің адамдары маған жақсы тілектер айтып, шабыт алады. Ал өз елімнің кейбір азаматтары жек көріп, тіл тигізеді. Бұл — менің өмірім. Өз стилім, өз жолым. Қалай жүріп-тұратынымды өзім білемін. Сіздер шешпейсіздер. Маған сырттай баға бермеңіздер. Қазағым, өтініш, жүрегіме ауыр сөз айтпаңыздар. Мен де адаммын. Сезінемін. Жараланамын...”
Алау Нұртасқа алғашқы қолдау білдірген жан — оның әжесі әрі продюсер Гүлзира Айдарбекова болды. Ол немересіне арнап жазба жариялап, өмірдің сынағына дайын болуға шақырды:
“Қызым, шоу-бизнес деген — күрес. Бұл жолмен сенің әкең де жүріп өтті. Біз де алғашында түсінбедік, жандық, күйдік. Енді үйреніп кеттік. Сен үшін бұл — бастама ғана. Алда бәрі болады. Ақ пен қара қатар жүреді. Бастысы — денсаулығың мен отбасың аман болсын. Сабыр мен төзім бәрінен жоғары, қызым!”
