Қазақстанның халық әртісі Мақпал Жүнісова қызы Мереймен бірге түскен әсерлі фотосуретін әлеуметтік желіде жариялап, жанкүйерлерін тебірентті.
Мақпал Жүнісова Instagram парақшасында қызы Мереймен бірге түскен ерекше бір сәтпен бөлісті. Суретте ана мен қыз көл жағасында, керемет таулы көрініс аясында бір-біріне мейіріммен қарап тұр. Мерей анасын құшағына алып, екеуі де күннен қорғайтын көзілдірік таққан.
Фотосуреттен ана мен қыздың арасындағы мықты байланысты, шынайы махаббат пен нәзіктікті көруге болады. Бұл көрініс оқырмандарды бейжай қалдырмады.
Жанкүйерлер бұл суретке ерекше ықыласпен пікір білдірді:
"Керемет көрініс, ана мен қыз көл жағасында сырласуда",
"Нағыз бақыт — ананың жанында болу",
"Бұл - аналық махаббаттың бейнесі",
"Қайран Көлсай! Табиғат та, адамдар да әдемі!"
Осындай жағымды пікірлер Жүнісова мен Мерейдің халық арасындағы жылы қарым-қатынасын тағы бір мәрте дәлелдеді.
Айта кетейік, бұған дейін Мақпал Жүнісова шынайы әрі жеке өміріне қатысты мәлімдеме жасаған болатын. Ол Мерейдің биологиялық қызы емес, туған жиені екенін ашық жариялаған. Бұл жаңалық көпшілікті таңғалдырған еді. Артынша әнші қызының биологиялық ата-анасымен қарым-қатынасы туралы да айтып өткен.
"Мен Мерейді бала кезінен бағып-қағып өсірдім. Ол – менің жүрегімнің жарығы, тағдырымның сыйы," – деген еді Жүнісова бір сұхбатында.
