Қазақстандық актриса әрі продюсер, "Келинка тоже человек", "30 жасында тұрмысқа шығу" фильмдерінің жұлдызы Әсел Сәдуақасова Бали аралындағы өмірі және алдағы жоспарлары туралы айтты.
Instagram желісінде жазылушыларының сұрақтарына жауап берген Сәдуақасоваға “Балиде өмір сүру қымбат па?” деген сауал қойылды.
“Тек өз тәжірибемді айтамын — маған Балиде тұру Алматыға қарағанда 2-3 есе арзан. Алматыда түрлі шығындарым көп. Мұнда тек негізгі қажеттіліктерге — тамақ, жолақы және ұсақ-түйекке ғана ақша жұмсаймын”, — деді ол.
Жазылушылар актрисадан жақын арада киноға түсу жоспары бар-жоғын да сұрады. Әсел бұл сұраққа қуанышты жаңалықпен жауап берді:
“Иә. Тіпті сіз ойлағаннан да ертерек. Өте жақын арада”, — деп мәлімдеді ол.
