Мөлдір Мұқанова мен балаларының бейнежазбасы желіні жылатты

Ана мен балалардың жан тебірентер сәті

Instagram парақшасында жарияланған бейнеде Мөлдір Мұқанова мен оның балалары шеңберге отырып, қол ұстасқан күйі бір-біріне жылы сөздер айтып, көз жасына ерік береді. Видео соңында олар құшақтасып, бір-бірін жұбатады.

«Қазір бізге бір-біріміз ауадай қажет. Бір-бірімізді жылы сөзбен, сүйіспеншілікпен емдеп жатырмыз. Балаларым есейіп, менімен бірге өмірге даналықпен қарай бастады. Енді менің жаным ауырмайды деп ойлаймын», — деп жазды Мөлдір.

Әлеуметтік желі қолданушыларының әсері

Желі қолданушылары бұл бейнежазбадан кейін Мөлдір мен оның балаларына қолдау білдірді:

• «Бәрі жақсы болады»,
• «Алтындарым, бақытты болыңдар»,
• «Біз де сіздермен бірге жыладық, бастысы — денсаулықтарыңыз аман болсын»,
• «Мұны көз жассыз көру мүмкін емес» — деп жазды желі қолданушылары.

Мөлдір Мұқанова жуырда Тұрсынбек Қабатовпен ажырасқаны туралы ашық айтып, өмірінің жаңа парағын бастағанын мәлімдеген. Бүгінде ол балаларымен бірге өміріндегі қиын кезеңді еңсеріп, рухани сауығу жолында.