Беларусь президенті Александр Лукашенко Минскте өткен әуесқой хоккей ойыны кезінде мұзға тайып сүрінді.
Оқиға Лукашенко командасы мен Брест облысының құрамасы арасындағы матчта болған. Тартысты ойын 5:5 есебімен аяқталды.
Кездесу үстінде түсірілген видеода президенттің құлаған сәті анық көрінеді. Эпизодта Лукашенко командасының 68-нөмірлі ойыншысы Ярослав Чуприс артқа қарай шегініп келе жатып, президентпен соқтығысып қалған. Соққының әсерінен Лукашенко тепе-теңдігін сақтай алмай, мұзға құлаған. Чуприс бірден қасына барып, оны тұрғызғаннан кейін ойын жалғасын тапқан.
Матч Минсктегі «Олимпик-Арена» мұз айдынында өтті. Брест облысының командасы сапынан Виктор Вусик, Александр Бурмистронок, Сергей Плосков, Александр Короткевич және Николай Мирончик мергендік танытып, шайба авторлары атанды. Ал ойынның үздігі ретінде қақпашы Вадим Бойко мойындалды.
Айта кетейік, мұндай әуесқой кездесулер Беларусьтегі хоккей маусымында жиі ұйымдастырылады және кейде қоғамдық назарды өзіне ерекше аударып жатады.
