"Балаларды үйде қалдырдық": Беркут Аишаны демалысқа алып кетті

Демалысқа не үшін кетті?

Беркуттың сөзінше, соңғы уақытта Аишаның тұрмыстық және аналық міндеттері көбейіп, демалып алуы қажет болған.

“Балаларды үйде қалдырып, өзіміз демалысқа шықтық. Тек Латифаны қасымызға алдық. Аишаның аз да болса тынығып алғанын қаладық”, — деп жазды әнші.

Әнші төрт баланы қатар тәрбиелеудің қиын тұстарын да жасырмады. Оның айтуынша, біреуі бір жаққа жүгірсе, екіншісі басқа жаққа кетеді. Үшіншісі киінгісі келмей тұрады, ал дәл сол сәтте төртіншісіне күтім қажет болады.

“Төрт баламен, шыны керек, оңай емес: бірі бір жаққа қашады, екіншісі басқа жаққа кетеді, үшіншісі киінгісі келмейді. Сол уақытта төртіншісінің жаялығын ауыстыру керек болады. Бұл — өмір. Және өмірдің сұлулығы да осында. Бәрі жақсы болсын!” — деді Беркут.

Желі қолданушыларының реакциясы қандай?

Беркут пен Аишаның демалыс сәттері жарияланғаннан кейін, оқырмандар жылы лебіз білдіріп, пікірлерін жаудырды:

• “Қандай әдемі, әсерлі видео! Демалыстарыңыз керемет өтсін”
• “Бақытты отбасы!”
• “Таза махаббаттың символы — Беркут пен Аиша. Бұрын клиптеріңізді көретін едік, қазір тату, үлкен отбасы болыпсыздар”
• “Жақсы демалыс тілеймін!”