"Теңізге ұшамыз". Наурызда қайда демалған тиімді?

Наурыз мерекесі – еңбек демалысын алмай-ақ саяхат жасауға таптырмас мүмкіндік. Биыл қазақстандықтар 21-25 наурыз аралығында яғни 5 демалады. Осыған орай, finratings.kz ел ішінде және шетелде демалуға болатын танымал бағыттарға, олардың бағасы мен үнемдеу жолдарына шолу жасап шықты. 

Шетелге саяхат: арзанынан қымбатына дейін

Наурыз мейрамында қазақстандық туристер арасында ең танымал бағыттар: Өзбекстан, БАӘ, Египет және Мальдив аралдары.

Ең қолжетімдісі – Өзбекстан:

• Автобуспен (4-5 күн) – 180 000 тг
• Jibek Joly пойызымен («Алматы – Түркістан – Ташкент – Самарқанд – Тараз – Алматы») – 190 000 тг

БАӘ – 220 700 тг-ден бастап
Египет – 255 700 тг-ден бастап

Премиум деңгейдегі демалыс:

• Мальдив аралдары – 567 000 – 743 700 тг аралығында

Ескерту: Наурыз мейрамы кезінде сұраныс жоғарылайтындықтан, баға 10-35% өсуі мүмкін. Кей бағыттар бойынша турлар әдеттегіден екі есе қымбат болуы ықтимал.

Елішілік саяхат

Егер шетелге шыққыңыз келмесе, ел ішінде де керемет демалыс ұйымдастыруға болады.

Оңтүстік Қазақстан шуақты күн райымен қуантады. Тарихи орындар да жетерлік. 

• Алматы облысында бір күндік турлар – 8 500 – 10 000 тг шамасында. 
• Жеке экскурсиялар 40 000 тг дейін барады.
• Ал гидпен Алматы көшелерін аралау 3 000 тг-ден басталады. 
• Түркістан – Қожа Ахмет Ясауи кесенесі
• Орташа баға – 30 000 тг (автобус турлары)

Орталық және Солтүстік Қазақстан

• Қарағанды – кеншілер музейіне түсу
• Ақмола облысы – Қорғалжын қорығындағы қызғалдақтарды көруге болады

Батыс және Шығыс Қазақстан:

• Алтай мен Шығыс Қазақстанды көктемде ұсынбаймыз: бұл аймақтарда қар ери бастайды, сел мен лай көшкіні жүру қаупі бар. Ең қолайлы уақыт – жаз.

Наурыз халықаралық бренд ретінде

Бүгінде Наурыз мерекесі тек ұлттық деңгейдегі емес, әлемдік дәрежедегі туристік брендке айналып келеді. 

• 2024 жылы ҚР Туризм және спорт министрлігі "Наурызнама" атты апталық мерекелік концепцияны ұсынды.
• CNN Travel 2025 жылғы ТОП-25 туристік бағыттар тізіміне Қазақстанды енгізді.
• Алматы Орталық Азияның "жаңа стильдегі астанасы" атағын алды.

Айта кетейік, былтыр Қазақстанға 15,3 млн шетелдік турист келіп, 1,2 трлн теңге жұмсаған. Туристердің ыңғайы үшін E-Qonaq цифрлық жүйесі енгізілді. 2025 жылдың қаңтарында оған 3,7 млн адам тіркелді. Бұл 2024 жылмен салыстырғанда 69%-ға артық.

Қонақ үй бағасы

Соңғы бір жылда Қазақстандағы қонақүйлердің бағасы айтарлықтай өсті:

• 5 жұлдызды қонақүй – 62 600 тг/түн (+12,1%)
• 4 жұлдызды қонақүй – 30 200 тг/түн (+17,1%)
• 3 жұлдызды қонақүй – +10,1%
• 2 жұлдызды қонақүй – +4,8%

Жалғыз арзандаған категория – 1 жұлдызды қонақүйлер.

Шетелдік туристер арасында ең танымал қалалар: Алматы, Астана, Атырау

Ең танымал қонақүйлер: Hotel Kazakhstan, Novotel Almaty City, Hilton Astana