Жауапты матчтар – «Бенфика» – «Фенербахче» және «Қарабақ» – «Ференцварош» – Olimpbet аналитикасында.
Бұл жұптағы екі тарап та жеребенің сәтсіз болғанына сенімді. «Фенербахче» мен «Бенфиканың» күштерінің шамалас екенін Стамбулдағы алғашқы кездесу анық көрсетті – ол тең нәтижемен (0:0) аяқталды.
Алайда Olimpbet сарапшыларының ойынша, енді португалиялықтардың Чемпиондар лигасының 2025/26 маусымындағы соңғы іріктеу кезеңінен өтуге мүмкіндігі әлдеқайда жоғары, оларды қарымта кездесудің айқын фавориті санайды.
Ыстамбұлда өткен алғашқы ойында жеңіске жақын болған – түріктер. Олар қақпаға жиірек соққы жасап, көбірек қауіпті сәттер ұйымдастырды. Екінші тайм ортасынан бастап тіпті артық құрамда ойнады – себебі «Бенфика» жартылай қорғаушысы Флорентину Луиш алаңнан қуылды. Әрине, ол дисквалификацияға байланысты қарымта матчты өткізіп алады.
Сондай-ақ, «Фенербахченің» бас бапкері Жозе Моуриньюдің тұлғасын да ескермеу мүмкін емес. Ол үшін Лиссабондағы кездесу аса маңызды болмақ. Өйткені бапкерлік жолының басында португалиялық маман «Бенфиканы», сондай-ақ оның басты қарсыластары – «Порту» мен «Спортингті» жаттықтырған.
Дегенмен Olimpbet аналитиктері Моуринью командасының табысына сенбейді. Олар «бүркіттердің» өз алаңында кемі екі гол соғатынына бейім.
Үй иелері бұрыштық соққылар бойынша да фаворит саналады, «Да Луш» аренасында олардың саны оннан кем болмайды деп күтілуде.
Венгрияның ең мықты клубы – «Ференцварош» – Әзербайжан чемпионымен екі кездесуде айқын фаворит саналатын. Бірақ алғашқы ойын бұл тепе-теңдікті түбегейлі өзгертті.
Енді Olimpbet сарапшылары «Қарабақтың» Чемпиондар лигасының негізгі кезеңіне шығу мүмкіндігін «Ференцвароштан» тоғыз есе жоғары деп бағалайды.
Ағдамдық клуб Будапештте үлгілі ойын көрсетті, дегенмен матч венгрлер үшін сәтті басталған еді. «Ференцварош» өз алаңында есеп ашып, алғашқы таймды жеңіспен аяқтады. Алайда үзілістен кейін «Қарабақ» үш гол соғып, сырт алаңда ерік-жігер танытып жеңіске жетті.
Olimpbet сарапшыларының пікірінше, әзербайжандар өз алаңында да гол соғуы тиіс, бірақ оларды үйдегі матчтың айқын фавориті деп есептемейді. Бакудегі кездесуде бұрыштық соққылар саны да тең дәрежеде болады деп күтілуде – тоғыздан аспайды.
Дереккөз: Olimpbet Arena
