Қазақстандық киберспортшы 500 мың долларлық турнирді жеңіп алды
Гранд-финалда FURIA ресейлік BetBoom Team ұжымын карталар бойынша 3:2 есебімен жеңді.
Қазақстандық киберспортшы, Molodoy лақап атымен танымал Данил Голубенко, бразилиялық FURIA командасымен бірге Counter-Strike 2 бойынша Thunderpick World Championship 2026 турнирінде жеңіске жетті.
Гранд-финалда FURIA ресейлік BetBoom Team ұжымын карталар бойынша 3:2 есебімен жеңді.
FURIA серия тағдырын соңғы екі картада шешті
18 қазанда Мальтада өткен финал өте тартысты болды. Үш картадан кейін FURIA серияда артта қалғанымен, кейін жағдайды өзгерте алды. Бразилиялық команда:
Mirage картасында – 13:11, Cache картасында – 13:6 есебімен жеңіске жетіп, чемпиондықты өзіне қалдырды.
Қазақстандық снайпер гранд-финалда командасының ең нәтижелі ойыншыларының бірі болды.
Molodoy бес карта қорытындысы бойынша 85 килл жасап, FURIA-ның жеңісіне елеулі үлес қосты.
Жеңімпаз команда 500 мың доллар алды
Thunderpick World Championship 2026 турнирінің жеңімпазы атанған FURIA командасы 500 мың доллар жүлде қаржысын иеленді. Финалда жеңілген BetBoom Team 250 мың доллар алды.
Айта кетейік, FURIA үшін бұл Thunderpick World Championship турниріндегі қатарынан екінші чемпиондық. Бразилиялық клуб бұл жарыста 2025 жылы да жеңіске жеткен болатын.
20 жастағы Данил Голубенко FURIA сапында снайпер позициясында ойнайды және халықаралық Counter-Strike 2 сахнасында Қазақстан атынан өнер көрсетіп жүр.