Қазақстан құрамасының қақпашысы 98 секундта екі гол жіберіп алды (ВИДЕО)
Қазақстан ұлттық құрамасының қақпашысы Станислав Покатилов ойнайтын "Сабах" клубы Әзербайжан чемпионатының 30-турында "Тұраннан" жеңілді.
"Тұран" 2:1 есебімен жеңіске жетті. "Сабах" кездесуді жақсы бастап, 14-минутта Анатолий Нуриевтің голының арқасында алға шықты. Бірақ екінші таймда бар болғаны 98 секунд ішінде қақпаға екі доп жіберіп алды.
56-минутта Айхан Гусейнов таразы басын теңестірсе, 57-минутта Жо шешуші голды соқты. Осылайша екі минутқа жетпейтін уақытта Покатиловтың қақпасына екі доп енгізілді.
Айта кету керек, "Сабах" алғашқы таймға қосылған уақытта, нақтырақ айтқанда 45+2 минутта Павол Шафранконың қызыл қағаз алуына байланысты бір ойыншы кем ойнауға мәжбүр болды. Бұл да нәтижеге әсер етпей қоймады.
Турнирлік кестедегі жағдай:
- "Тұран" — 30 матчтан кейін 47 ұпаймен 4-орында
- "Сабах" — 36 ұпаймен 5-сатыда орналасқан
Бұл туралы не ойлайсыз?