Мадридтік "Реал" Чемпиондар лигасынан шығып қалған соң, клубтың бас бапкері Карло Анчелоттиге бағытталған қысым едәуір артты.
Испания мен Англияның жетекші басылымдары — Sport және The Express Юрген Клопптың “Реал” басшылығымен келіссөздер жүргізуге дайын екенін жарыса жазуда. Бұл мәліметтерге сүйенсек, Клопп тек екі команданы басқаруға мүдделі: Мадридтік “Реал” немесе Бразилия ұлттық құрамасы.
Юрген Клопп 2025 жылдың басынан бастап Red Bull футбол жүйесінде қызмет етіп жүр. Оның нақты рөлі әзірге ашық айтылмағанымен, Клопптың стратегиялық жоспарлау және жастарды дамытуға қатысы бар деген ақпараттар бар.
