Қазақстан футбол федерациясы мен Беларусь футбол федерациясы ұлттық құрамалар арасындағы жолдастық матч өткізу туралы келісімге келді.
Қазақстан мен Беларусь құрамалары арасындағы жолдастық ойын 2025 жылдың 5 маусымында Минск қаласындағы Ұлттық Олимпиадалық "Динамо" стадионында өтеді. Кездесу Астана уақыты бойынша сағат 22:00-де басталады.
Қазақстан мен Беларусь ұлттық құрамалары осыған дейін жеті рет кездесті. Беларусь төрт реи жеңіске жетсе, екі матч тең нәтижемен аяқталды. Қазақстан құрамасының еншісінде бір жеңіс бар.
Бірақ бұл жеңіс тарихқа енді: 2022 жылғы УЕФА Ұлттар лигасының "C" дивизионында Қазақстан құрамасы дәл осы жеңістің арқасында мерзімінен бұрын топта бірінші орынды иеленді.
