Әйгілі "Манчестер Юнайтед" пен Болгария ұлттық құрамасының экс-шабуылшысы Димитар Бербатов Қазақстанға жасаған сапары барысында қазақ тілін меңгеруге қызығушылық танытты. Ол елордада өткен әлемдік және қазақстандық футбол жұлдыздарының матчына арнайы келген еді.
Әлеуметтік желілерде жарияланған бейнежазбада Бербатовтың Астанадағы қонақүй бөлмесінде отырып, жасанды интеллект көмегімен қазақ тіліндегі амандасу мен қоштасу сөздерін үйреніп жатқаны көрінеді. Ол смартфоннан шыққан дауысты қайталап, қазақша сөйлеуге тырысқан.
Бербатов сондай-ақ өз қонақүйінің қасында орналасқан ЭКСПО халықаралық көрмесі жайлы да аздаған мәлімет білді. Болгариялық жұлдыздың қазақ мәдениеті мен тіліне деген ықыласы жанкүйерлер арасында үлкен қызығушылық тудырды.
