Қазақстанның оңтүстік астанасы Алматыда әлемдік стандарттарға сай жаңа футбол стадионы пайда болады. Тарихи маңызға ие Орталық стадион ауқымды жаңғыртудан өтеді. Десе де нысанның тарихи келбеті сақталмақ.
Алматы Орталық стадионы – екінші тыныс алады
Алматы қаласының әкімі Ерболат Досаев 2024 жылдың соңында Орталық стадионның қайта жөндеуден өтетіні туралы ресми мәлімдеген болатын. Жаңғырту жұмыстарынан кейін:
- Стадионның сыйымдылығы 32 мың көрерменге дейін артады;
- Стадион толықтай жабық болады – бұл ауа райына тәуелсіз шаралар өткізуге мүмкіндік береді.
Қайта жөндеу жұмыстары қашан басталады?
Алматы қаласы Құрылыс басқармасының мәліметінше, нақты басталу күні әлі нақтыланбаған. Алайда реконструкция 2025–2026 жылдар аралығында, биылғы күзден бастап жүргізілуі мүмкін.
Нақты өзгерістер қандай болады?
- Стадион сыйымдылығы ұлғаяды;
- Жүгіру жолақтары алынып тасталады, бұл футболға толық бейімдеуге мүмкіндік береді;
- Трибуналар "Қайрат" клубының түсінде безендіріледі;
- Коворкинг аймақтар, фуд-корттар пайда болады;
- УЕФА талаптарына сай өзгерістер енгізіледі: стадион айналасындағы жер телімдері сатып алынып, қайта жобаланады.
Концерттер мен халықаралық іс-шараларға арналған алаң
Жаңа стадион тек спорттық аренамен шектелмейді. Ол:
- Әлемдік деңгейдегі концерттер мен мәдени шараларды өткізуге мүмкіндік беретін көпфункционалды кешенге айналады;
- Жобаны жасауға халықаралық тәжірибесі бар компаниялар тартылған, бұл нысанның тарихи бейнесін сақтай отырып жаңартылуына кепілдік береді.
