Каталондықтар қорғаушыны жіті назарда ұстап отырған көрінеді.
Өзбекстандық жас қорғаушы Абдуқодир Хусанов Испанияның атақты «Барселона» клубына ауысуы мүмкін. Бұл туралы Carpetas Blaugranas басылымының журналисі Хуан Арриен хабарлады.
Хусанов қазіргі таңда Англияның «Манчестер Сити» клубымен келісімшартта болғанымен, негізгі құрамға бекіне алмай жүр. Футболшының даму қарқыны мен ойын практикасына байланысты басқа клубқа жалға берілуі ықтимал.
Каталониялық клуб Абдуқодир Хусановты жалға алу мүмкіндігін қарастырып жатыр. Журналистік ақпаратқа сүйенсек, келісімде кейін сатып алу құқығы болуы мүмкін.
