"Ордабасы" клубының және Қазақстан ұлттық құрамасының ойыншысы Сергей Малый Instagram парақшасында жасына байланысты кемсітуді сынға алды. Ол Франческо Ачерби мысалға келтіріп, футболшыны тәжірибесі мен шеберлігі арқылы бағалау керектігін жеткізді.
34 жастағы қорғаушы Қазақстанда футболшылардың жасы бірінші орынға қойылатынына наразылық танытты. Өзінің сторисінде ол "Интердің" 37 жастағы ойыншысы Франческо Ачербиді мысал етіп келтірді — тәжірибелі футболшы Чемпиондар лигасының жартылай финалында негізгі құрамда алаңға шығып, шешуші рөл атқарды.
"Ачерби секілді жасы келген футболшылар Еуропада негізгі құрамда ойнайды. Ал бізде ше?" — деп жазады Малый
Айта кетейік, Ачербидің екінші таймның қосымша минуттарында соққан голы миландық "Интерге" матчты овертаймға жеткізуге мүмкіндік берді. Бұл эпизод жартылай финалдағы нәтижеге тікелей әсер етіп, оның кәсібилігін тағы бір дәлелдеді.
Сергей Малый туралы қысқаша:
