Қазақстандық жартылай қорғаушы, "Бешікташ" клубының ойыншысы Бахтиёр Зайнутдиновтың ауыр жарақаты жайлы жаңалықтар тарады.
Fotospor деректеріне сүйенсек, Зайнутдиновтың жағдайы өте күрделі. Дәрігерлер оған жүгіруге де тыйым салған. Себебі бұл сіңірдің ісінуіне әкеп соғуы мүмкін. Сонымен қатар футболшы жаттығу процесінен толық шеттетілген. Оның емдеу тәсілдері мен қалпына келу жолдары әлі де нақты анықталмаған.
2024/25 маусымында Бахтиёр Зайнутдинов "Бешікташ" сапында небәрі 12 ойын өткізді. Осы матчтарда ол бір нәтижелі паспен көзге түсті. Соңғы рет қазақстандық ойыншы қаңтар айында алаңға шыққан.
Осы жағдайдан кейін оның маусым соңына дейін алаңға оралуы екіталай. "Бешікташ" пен Қазақстан құрамасының жанкүйерлері Бахтиёрдің тезірек қалпына келуін тілеп отыр. Дегенмен дәрігерлер мен клубтың шешімі футболшының мансабына әсер етуі мүмкін.
