Египеттік шабуылшы АПЛ-2024/25 маусымында 28 голмен сұрмерген атанған болатын.
Adidas бренді Мұхаммед Салах үшін эксклюзивті бутсы жасап шығарды – бұл жұп әлемде басқа ешкімде жоқ. Египеттік шабуылшы 2024/25 маусымының соңғы турындағы матчта дәл осы арнайы аяқ киіммен алаңға шықты.
Adidas дизайнерлері Ливерпуль қаласының рәмізі саналатын аңызға айналған Лайверберд құсына сүйене отырып, ерекше дизайн ұсынған. Бутсыдағы әйгілі үш жолақ алтын түспен әрленіп, Мұхаммед Салахтың даралығы мен шабуылшы ретіндегі айрықша шеберлігін айқындай түскен.
Бұл бутсы ешқашан сатылымға шықпайды. Ол тек бір ғана матч үшін – «Кристал Пэласқа» қарсы маусымның соңғы турында қолданылды. Adidas бұл туындыны тек Салахтың АПЛ-дағы сұрмерген атағын атап өту үшін жасаған.
2024/25 жылғы маусымда Салах 28 гол соғып, Англия Премьер-лигасының үздік сұрмергені атанды. Бұл жетістік оның жоғары деңгейдегі тұрақты ойыны мен шабуылдағы тиімділігін тағы бір мәрте дәлелдеді.
