Енді молдовалық "Зимбрумен" өтетін алғашқы ойын 24 шілдеде "Астана Аренада", ал қарымта кездесу 31 шілдеде Кишинёвте өтеді.
"Астана" УЕФА Конференциялар лигасының екінші іріктеу кезеңіндегі матчтарының күнін америкалық поп-жұлдыз Дженнифер Лопестің концертіне байланысты өзгертті. Бұл туралы клубтың баспасөз қызметі әлеуметтік желілерде ресми мәлімдеме жасады.
Клубтың хабарлауынша, Қазақстан мен Молдова командалары УЕФА-ның келісімімен өзара келісімге келіп, ойындардың орнын ауыстыру туралы шешім қабылдаған.
“Осылайша, алғашқы матч 24 шілде күні "Астана Арена" стадионында, ал қарымта кездесу 31 шілдеде Кишинёвте өтеді”, — делінген “Астана” клубының хабарламасында.
Дженнифер Лопес 20 шілде күні "Астана Аренада" жеке концертін өткізеді. Бұл стадион бір мезгілде футбол матчтары мен ауқымды мәдени іс-шараларды қабылдайтын көпфункционалды нысан болғандықтан, алаңның дайындық кестесіне өзгеріс енгізуге тура келген.
